نكت المكلخيـــــــــــــــن
مجوج
جوج رجال تلاقاو ف القهوة.
الأول سول التاني: مجوج؟
قال ليه: اه، مجوج بمرا.
قال ليه لاخور: علاش عمرك شفتي شي واحد مجوج براجل
قال ليه: اه
قال ليه لاخور: شكون؟
قال ليه: ختي.
ركبوا بلا ما يخلصوا
هادو واحد الرباعة طالعين فطاكسي وما معاهم حتى ريال، اتفقوا يهربوا بالزربة مني يوقف الطاكسي.
فعلا، ملي وقفات الطوموبيل، حلوا البيبان دغية وبدوا يجريو ورجليهم تضرب ضهورهم.
دخلو لواحد العمارة، وطلعوا أول إطاج، تاني إطاج، تالت إطاج، حتى وصلوا للسطاح.
تخباو فالضلام وبقاو شي نص ساعة لا حس لا نفس.
شوية واحد فيهم نغز اللي حداه وقال ليه: ما عرفتش أشنو طرا بالشيفور!
قال ليه لاخور: راني أنا الشيفور، ها العار قولوا لي أشنو واقع.
شحال كتلبس؟
واحد المكلخ مشى يشري صباط.
سولو مول المحل: شحال كتلبس ف رجليك؟
قال ليه المكلخ: جوج فردات
ما فيقتينيش
واحد الراجل سرفق ولدو، قال ليه: ياك قلت ليك فيقني مع الربعة، راه الستة هادي
قال ليه ولدو: والله إيلا جيت نفيقك ولكن لقيتك ناعس
مكلخ حدا خوه
هادا واحد مكلخ عندو شي فلوس وبغى يخبيهم
ناض حفر حفرة ف الجردة، خباهم تما، ودار فوق الحفرة بلاكة كتب فيها: هنا ما كاينينش الفلوس
شوية جا خوه، بانت ليه البلاكة، جبد الفلوس خداهم، ودار بلاكة كتب فيها: راه ماشي خوك اللي خدا ليك الفلوس.
0 comments:
Post a Comment