نكت المدرســــــــــــة

نكت المدرســــــــــــــة

 

 

 

خمسة د الحيوانات

هادا واحد التلميد قال ليه المعلم: عطيني خمسة ديال الحيوانات
قال ليه التلميد:

بقرة و كلب و تلاتة ديال الحمامات
 

 

ممحاة ديال ستاشرمية

هادا واحد المعلم تعين ف واحد لقرية ف لعروبية. واحد النهار دّا الكاشير للقسم و سول التلاميد: ما هذا؟

حتى واحد ما قشع أشنو داكشي. شوية و هو يهز واحد التلميد صبعو: هاديك ممحاة ديال ستاشرمية

 

Dire

واحد الاستاذ قال لواحد التلميذ: صرف
Verbe "Dire" au présent de l'indicatif
الولد ماعرفش الجواب وبقى ساكت
قال ليه الاستاذ: أنا نعاونك في الاولى، و انت كمل
Je dis
الدري تفتحو عينيه من الفرحة و بدا
Vendredi
Samedi
Dimanche

 

Why

واحد الكسول سول المعلم ديال الانجليزية: أستاد، أشنو المعنى ديال why؟

قال ليه الأستاد: علاش.

قال ليه الكسول: لا، غير سولت.

قال ليه الأستاد: علاش أبنادم، علاش.

قال ليه الكسول: راه غير بغيت نتعلم الانجليزية

 

التراكتور

هادي واحد المعلمة رسمات للدراري تراكتور و سولاتهم واش عرفوا أشنو سميته.
حتى واحد ماعرفه. واحد شوية وهي تنوض واحد باش يجاوب و الدري تمتام، قال ليها: تر تر تر تر تر تر
وهي تقول ليه: أنا غير سولتك على سميته ماشي قلت ليك دير ليه أمارش